2015 جىلعى 19 ناۋرىز, استانا, ۇكىمەت ءۇيى
«تىركەلگەن تاريفتەردى بەكىتۋ تۋرالى» قازاقستان رەسپۋبليكاسى ۇكىمەتىنىڭ 2014 جىلعى 12 ماۋسىمداعى №645 قاۋلىسىنا وزگەرىس پەن تولىقتىرۋ ەنگىزۋ تۋرالى
استانا قالاسىنداعى «ەحرو-2017» حالىقارالىق مامانداندىرىلعان كورمەسىنىڭ وبەكتىلەرى مەن ينفراقۇرىلىمىن سالۋعا ينۆەستيتسيالار تارتۋ ماقساتىندا قازاقستان رەسپۋبليكاسىنىڭ ۇكىمەتى قاۋلى ەتەدى:
1. «تىركەلگەن تاريفتەردى بەكىتۋ تۋرالى» قازاقستان رەسپۋبليكاسى ۇكىمەتىنىڭ 2014 جىلعى 12 ماۋسىمداعى №645 قاۋلىسىنا (قازاقستان رەسپۋبليكاسىنىڭ ءپۇاج-ى, 2014 ج., № 40-41, 390-قۇجات) مىناداي وزگەرىس پەن تولىقتىرۋ ەنگىزىلسىن:
كورسەتىلگەن قاۋلىمەن بەكىتىلگەن جاڭارتىلاتىن ەنەرگيا كوزدەرىن پايدالانۋ جونىندەگى وبەكتىلەر وندىرەتىن ەلەكتر ەنەرگياسىن جەتكىزۋگە تىركەلگەن تاريفتەردە:
رەتتىك ءنومىرى 1-جول مىناداي رەداكتسيادا جازىلسىن:
« 1 جەل ەنەرگياسىن تۇرلەندىرۋ ءۇشىن قۋاتى 100 مۆت «استانا ەحرو-2017» جەل ەلەكتر ستانتسياسىنىڭ جوباسى ءۇشىن تىركەلگەن ءتاريفتى قوسپاعاندا, جەل ەلەكتر ستانتسيالارى 22,68 »;
مىناداي مازمۇنداعى رەتتىك ءنومىرى 1-1-جولمەن تولىقتىرىلسىن:
« 1-1 جەل ەنەرگياسىن تۇرلەندىرۋ ءۇشىن قۋاتى 100 مۆت «استانا ەحرو-2017» جەل ەلەكتر ستانتسياسى 59,7 ».
2. وسى قاۋلى العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ.